Ami mes no ta nada bunita y flaco, pero mi por touch mi mesun tenchi pia si te ainda. Mi lo bisa e hendenan aki wak nan mes prome cu nan papia, pero Texas a kima bay laga nos hopi aña caba, Ikea ta te na Hulanda y Price-Smart no ta bende spiel suficiente grandi ainda.
No ta tur hende ta compronde Ingles, pero tur hende kier post e kaka ki riba Facebook si, pesei mi kier a ofrece mi assistencia.
HITLER TA REACTIONA NA BOOGIE-MAN SU PRESENCIA RIBA VELD DI FUTBOL
Ok, ok, ok. Mi a haya bastante mensahe ta pidimi menciona e situashon aki, y prome cu e wega di final tuma lugar (cu mi kiersa ta Diaranson).
Lastimamente, mi tine basta druk e dianan aki, kiermen mi no a haya mucho oportunidad pa scirbi material nobo. Pero, e ora mi a dicidi di edita un pieza cu mi a scirbi bastante tempo pasa (como 1 aña mi ta kere), pero nunca mi a pone akiriba. E no ta completamente relevante socialmente, pero ta miho cu nada
Como cu Papiamento ta un idioma relativamente hoben ainda, e ta trece dificultad cune. Sa pasa cu ora bo kier expresa cierto opinion of sentimiento simpel den conversacion, bo lo hayabo indirectamente ta ofrece favornan sexual, of ta complimenta e grandura di hende su organonan reproductivo. Berguensa ta dal momentonan asina. Pesei hende ta bisa Papiamento ta un idioma hodido.
Arubianonan -especialmente’ hombernan- ta conoci pa tin mente sushi. E contenido di nan cabez sa wordo compara cu tanki chica poz mezcla cu pisca putri y saka di cabrito cu aids. Di practicamente cualkier cos nan por inventa algo dobbel senti. Por ehemplo:
CUMINDA
Cay sinta na mesa cu un grupo di amigo Arubiano ora di come, y wak con largo e lo dura pa e prome joke dobbel senti ta cay. Akinan e prome regla di marikeria ta cay den wega , “Si e por drenta den bo smoel, probablemente e lo por bay den bo cul”. Si loke ta riba bo tayo ta largo of rondo/oval, b’a hode caba. Akinan tin un lista di cierto cosnan bo no por come drechi dilanti Arubiano.
Hotdog
Webo
Bacoba/Banana
Choriso
Worst
Palo Friew
Un di e pesadíanan mas grandi di e macho Arubiano ta lanta na cas di amigonan merdia despues di un bon anochi di bebemento cu curpa kibra den necesidad di nutrishon. Un bon cuminda semper pa recupera ta “Ham & Egg” of “Bacon & Eggs”. Pero hera bo tin durf di grita “Hepa, ami mester webo!”. Bo lo por tende e desgraciadonan ey fo’i desde Kapel di Altovista:
“Heeeeeeeeeeeeeeeeeeeeeeee, ami tin webo pabo’ki!!”
“Hahahahahaaha, ken ta bay pasa Comper un webo?!”
Hera pa bo mala suerte bo tin un amigo cu ainda no a sali for di kashi completamente, e cabron ey ta capas di tuma esei como un invitashon y bin parkeer su sak’i webo riba bo frenta tambe (nota: momentonan asina bo ta den bo derecho -y ta obligá- di transforma su saki’ webo na omelet cu un mokkel frustìa).
Pa colmo e aplicashon di sentimentonan dobbel sinti no ta limita na cuminda so, si no bebida tambe:
batido di banana/bacoba : “Wardami saca mi banana bo bati’e pami un rato, haha. Bo batido ta na caminda, haha!”
juice: “Heee, e kier juice. Ken ta juic’e?”
lechi: “Tuma bin bebe lechi’ bay drumi”
Mi kiermen di, ta ki tin cu tur e co’i coñonan aki? Ta ami a lanta den un barrio hodido, of ta cana mi ta cana rond cu hendenan equivoca? Paso e siguiente biaha cu un sabe-lo-todo mester gara su patin tene ora mi purba hap den un hot-dog of bacoba, mi lo plak mi sapato mey-mey di su pianan cu un velocidad asina halto cu e lo kibra barrera di sonido (sonic-boom na Ingles y pa e fanaticonan di Street-Fighter II). 
Keremi cu hendenan lo purba time e velocidad di mi patada, traha sticker di dje pa nan plak riba nan windshield di auto atras. Nan lo yama mi pia drechi Dr.Ross II y nan lo lanta un estatua memorial den forma di mi sapato na Palo Marga. Hera nan lo hacie un dia di fiesta anual, unda bo ta liber pa castiga e saki’ webo di tur e mucha m@%$^&nan ey.
Kiermen siguiente biaha bo ta canando y bo wak un pober alma ta lastra riba asfalt cayente, yorando y kehando cu man na pecho. Keremi cu e no ta sufriendo di astma, ni e ta hayando ataka di curason, e ta wantando na e resto di su balanan. E la djis pompa cumi dia mi tabata calor y mi tabata kier chupa un palo-friew.
E siguiente situacion ta algo cu ta pone sanger di cualkier homber herbe:
Bo ta sinta na trabow, trahando, y djis wardando pa e ora pasa pa bo por bay cas duna bo cachó cuminda, kita sapato, grawata cul,bebe un balashi, sende television y wak con duro Cable TV atrobe a dal nos pueblo den sak’i webo. Ata’bo eynan y bo ta lastimamente cerca suficiente cu bo por tende un par di bo coleganan femenino - “Shamu” y “Biciclet’i pueblo”- ta bati nan klep manera semper; redo ta skeiro manera toiletbrush fregando porselein despues di un bishita na Taco Bell. No tin modo, bo ta obliga di ignoranan y sigi lepia of traha. Nan topico a bula for di haci redo di nan proprio amiganan pa “homber”. E dos nan ta discuti e topico bastante largo y na cabamento ta parce cu nan tur dos a yega na e mesun conclusion: “Tsss…No tin homber na Aruba”.
Momentonan asina bo ta haya gana di….
…pero dimes bo NO TA HACIE! Aunke e gana tey si dimes, tene aden. Homber no ta dal muhe, nan ta cana bay cerca dje puntre “Heeeepa, bo ta na estado? No? Den serio? Sto’i pompa,haha! No, oké, mi a djis kere”, y cu hopi subtilidad bo ta puntre si su auto sa bolter ora e tuma lorada skerpi of si e la wak e mucha muher nobo…e Colombiana flaco.
Lagami ta hopi honesto, e articulo aki NO ta dirihi na tur muher Arubiano, e ta dirihi na esunan cu kier culpa tur homber na Aruba pa nan soledad, enves di wak nan mes y drecha nan oportunidadnan. Dunami un momento pa mi splica loke mi kiermen cu “drecha nan oportunidadnan”.
E caso ta cu na Aruba tin homber. Tin na granel, mane arroz! Na caminda pa trabow, mi ta wak nan den auto, muhando mata den cura, sacando sushi, un par drumiendo bow palo di Watapana y un guy basta tutu den spiel di mi auto. Ta solamente natural cu no ta tur di nos ta disponibel. Tin varios cu ta casá caba, tin chick caba, ta poniendo prioridad na nan estudio/carrera y tin cierto di nan ta solamente interesa den corta boso cabei, pero ainda tin mas cu suficiente wardando. Esei ta bisami cu e problema no ta keda na e cantidad di homber na Aruba, pero boso exigencia pendewnan cu boso ta demanda y spera.
Na prome lugar, boso ta bastante hipocrita, por lo menos 75% di tur mi amiganan tabata papia co’i pendew cu’mi cada biaha nan tende cu mi a hode cu un muher. Nan ta yama e pober dama pa puta, djis pasobra nan conoce un otro homber e la yega di dal aden cune caba. Cu un tono fuerte nan ta demonstra nan desagrado bisando, “Che! Abo ta fies! Mi no ta compronde pakiko homber gusta hode cu puta stinky”. Loke hopi muhe na Aruba ainda no a realisa ta cu homber y muhe ta mescos, paso muhernan tambe gusta hode cu puta (den e caso aki puto)! Nos tur conoce un guy cu tin manera cuatro yiu cu cuatro diferente muhe. No ta manera e muhenan aki no tabata sa cu e homber aki tabata hode rond mane herpes, pero ta net esei mes nan tabata kier. Kiermen: smoel!
Na di dos lugar -nos lo sigi expande riba e tema di “mal smaak den homber”-, hopi di boso conscientemente ta bay hode cu kaka, y despues ta bin keha ora kaka lagabo boso ta hole malo. Ken coño a mandabo? Den e articulo anterior mi a discuti e hemchinan di mierda cu ta cana rond yamando nan mes ”homber”, ta parce cu net e tiponan aki ta loke boso ta gusta. Ora mi sali mi ta wak suficiente homber regular, civilisa y soltero ta presente, aunke si nan ta parce un poco timido. Pero nooooo, e guynan ey ta “laaaaaaf”, toch? Ora e guynan yega cu mas cadena di oro cu añan ‘70, boca grandi mane un cos nan ta bendiendo briyechi, carson ta sak te casi na rudía, dos strepi feita den wenkbrauw, e ora diripiente ta forma un tsunami den boso panty. Lag’e coño cana kibra riba un brommer of quad-racer. Hesusé! Boso casi ta laga curpa cay, lora riba lomba, habri pia den laira manera un cos Dios tin cu wak si tin bals pega bow boso sapato. Boso ta e tipo di muhe cu ta “fada” lihe, paso e guy ta regular, laaaaaf, of mucho serio. Naturalmente, e ora boso ta bay kies p’e kaka, y despues mi ta pasa un par di siman scuchando con malo boso ta wordo trata. Dushi pabo. Mi sa cu abo mes no por determina kende bo lo gusta, pero abo mes ta den control pa ken bo ta habri bo pia. No culpa homber decente djis paso , mescos muskita cu ta ignora “gourmet meals”, boso ta hambra pa drol.Ta mierda mes boso kier, kiermen: smoel!
Na di tres luga, boso mester tin sak’i webo bastante grandi pa por punta dede riba tur otro persona y lubida di wak boso mes. Bo tin como 4 yiu na cas, tur tin un diferente fam, niun ta parce e otro, y ainda bo ta kehando no tin homber na Aruba? Tin nan tin, y aparentemente nan tur a pasa den bo caba, esei ta parcemi bo problema. No tumami na malo, mi tin tur respet pa mamanan soltera cu ta traha pa cria nan yiunan. Ja, relacionan sa caba inesperadamente, ata’bo eynan bo so paso un homber a resulta di ta desgraciado y a dicidi di sali cana bay lagabo. E por pasa, no mester tin berguensa di esey. Cana cu orguyo!
Pero den tonto di bo wela su prikichi cu dimes niun otro homber lo tumabo na serio si bo ta mane hunga kwartet cu bo doshi. Homber, atrobe tin, ta djis niun no kier bo si bo ta parce un hende cu kier forma un team di voetbal for di bo tonto, kiermen: smoel!
Na di cuatro luga, ban discuti algo serio; tin manera 27 hende na Aruba cu no ta foking gordo te den casi haya ataka di curason door di hala rosea demasiado lihe. Algo ta bisami mastanto di boso cu ta sinta canta cu no tin homber na Aruba, no ta cay den e 27 nan mi a mencioná. Pa ta honesto, cu boso ta sobrepeso no ta algo cu ta iritami- bo bida, bo curpa. Pero…ora bo ta sinta eynan sperando cu un guy bodybuilder ta bin pabo, bo por wel di saka bo corki, drenta lama y sink pa cul. Paso peña saka, ruman! Bo a wak bo mes den un (mi kiermen style di 1, één, one, uno)spiel caba? No: paso mester como foking 3 pa bo pas aden. Manera un pantaya na Cinema. Parce hende cu tin cu warda e water show na Paseo Herencia cuminsa pa e por baña. Ta hode upload potret di bo tayo di cuminda so riba facebook y ta zeur riba homber den bo status update. Mi tin cu ripiti cu mi no ta worry cu bo peso ni bo apariencia, pero no bin hode critica hende mientras e unico portanan cu ta habri den bo bida ta di frishider, oven y microwave, kiermen: smoel! (letterlijk, paso bo ta comiendo dimas)
Awo ami mes ta bay sera mi smoel un rato, paso si no mi ta sigi te mañan. Pa ultimo biaha, esaki ta dirigi na cierto damas so. E resto di damas por laga nan e-mail adres atras.
“Ami Ta Representa” , E Identidad Ridiculo Di e Homber Arubiano Moderno
E Hoben Arubiano
Cada tanto tempo mi ta haya ta bon pa un homber yora. E ta bon pa mantene stabilidad emocional. Cada homber tin cu scohe nan proprio gatiyo emocional. Un par ta bay wak un pelicula tristo, otronan ta bay wak album di memorias, y ami ta kita mi carson y cera mi patin den porta di mi auto; esei semper ta traha cumi.
Mi sa cu esei no ta un opcion popular entre otro hombernan, dus mi a dicidi di bin cu un otro alternativa. E mihor a resulta di ta busca hobenan Arubiano riba youtube. Lamentablemente, djis mirando loke nan ta haciendo ta suficiente pa ponebo considera “cera webo den porta di auto” un ley mandatorio pa cierto hendenan cu ta pensa di reproduci na Aruba. Mi sa hopi di nan ta djis mucha, y muchanan tin cu pasa den nan fase di ta creati aventuro inocen pendew, pero e generacion aki ta haciendo dimas.
Mi sa cu ami tambe tabata pendew tempo mi tabata chikito, ta berdad. Mi tabata come cuminda di cacho paso e tabata hole bon, mi a kibra mi smoel 83 biaha bulando rampa cu bicicleta, mi tabata kima mi wenkbrauwnan for di mi cara cada pasa 2 luna, y mi tabata subi palo di kenepa pa cay kibra cul religiosamente. Pero asina mes, ningun momento den mi bida mi a pensa:
“Ban haci co’i lerdo y film’e! Despues ban pone riba internet unda ful mundo por wak con pendew nos ta!”
Mi sa cu temponan a cambia. Esei ta berdad. Pero boso no por usa boso foking tino? Tempo di mi tempo, tambe muchanan tabata bringa, pero nos tabata hacie scondi, paso nos sa cu asina nos yega cas y mama of papa a tende nos a bringa…e bati cu bo lo haya na cas ta hopi pio cu cualkier otro mucha pendew por dunabo. Keremi! Swa, un biaha ora mi a yega cas despues di bringa mi mama a dal mi un weya den smoel, mi a keda kaka arroz y diente pa 3 siman. Nunca mas mi a bringa.
Awendia bo tin un par di cabez’i webo ta filma tur kaka como evidencia di nan estupidez y pone cu orguyo pa tur hende wak. Nan ta yama nan mes soldiers/pendew/soljahs/soldiersz/sakiwebo/ y diferente otro variacion di soldat. Despues manera esei so caba no tabata idota suficiente, nan ta invita otronan pa laga comentario riba nan videonan tambe.Increiblemente desafiando e leynan di naturalesa, hopi biaha e comentarionan ta mas pendew cu e video mes. E guynan aki ta loke despues ta crece bira “homber Arubiano”
E homber Arubiano
Ami a echt pensa cu e fase aki tabata algo temporario so. Den mi temponan asina bo pasa 16 of 17 aña, ya bo tin cabei na webo, y bo lo cuminsa pensa riba tiramento di palo so. Basha dolo a tuma prioridad riba basha mokete. Poco poco bo a cuminsa realisa con ridiculo bringamento ta. Bo a cuminsa pensa cu bo no tin nada di gana bringando riba caya,y cu hendenan ta wak bo manera un bestia cu no por controla ni comporta su mes na un manera civil. Lastimamente na Aruba, e cos aki aparentemente no ta e caso.
Aruba ta pesta awo cu hombernan cu ta mal getrain, mal hancra ta cana rond buscando cualkier excuus pa kita shirt y tira mokete. Tur ta parce mescos tambe cu nan tshirt pegadito, tattoo, renchi na orea y wenkbrauw feita, mane nan ta stuntdoubles pa Caché Deluxe. Bonus si un di nan a logra e barba fini, mane e ta pinta cu potlood di estrogeen.
No comprondemi malo, cuida bo curpa ta algo hopi admirable, vooral na Aruba unda mas di mitar di e pueblo ta parce hipopotamo cu paña, pero boso no por contene boso mes ora boso ta den publico? Di berdad ta necesario pa tin pelea tur weekend? Boso ta parce di ta asina ignorante, cu mi ta haya asina straño cu boso no por usa un tiki di e ignorancia ey pa djis ”ignora” otro.
Recientemente, despues di hopi tempo sin sali, mi a dicidi di bay topa un par di tersonan na un café bastante popular awendia. Mi ta canando rond, y mi a casi literalmente sinti con e guynan tabata midi’m di ariba pa abow (mare tabata un par di damas, ohm). Finalmente, lo inevitable a pasa, mi a bay busca bebida na e bar, y ora mi a bay regresa na mi mesa, sin por yuda, mi a stoot den un otro cabayero. Esaki a sinti cu mi action tabata inacceptable aparentemente paso mi a wak cu casi e la cuminsa scuma na su boca y e la halsa su voz acercandomi. Mi a sinceramente pidie disculpami, ya cu no tabata mi intencion pa mishi cune, y mi a informe cu mi lo habri mi wowo mihor siguiente biaha. Asina mes mi intento di drecha e situacion cu un disculpa no tabata suficiente, y e cabayero a dicidi di cuminsa insultami pa delaster un nomber cu e por a pensa, niun di nan cu mas sigur e lo sa con pa scirbi. E desordo a resulta den un amigo dimi cu nos ta yama “Baranca“ pa invulcra su mes den e situacion. Awo, un di e prome cosnan cu nan ta siñabo na scol ta:
1. Alfabet
2. Rekenen
3. No hode cu guynan yamá “Baranca”.
4. Habon ta laba bo smoel di palabra malo
Mi fiel amigo Baranca, ta parce un toro feitá canando riba 2 pia. Coincidalmente, e ta holé y kaka mane uno tambe. Baranca a informa e cabayero cu di berdad ami no ta e tipo provocativo, y cu e mester accepta mi disculpa y sigi disfruta su anochi. E guy mi ta kere a ripara cu Baranca por benchpress su mama sintá den un Tercel, y a lagami na paz.
E storia aki no ta mal coño. E ta bon tristo, paso e guy aki no lo a lagami na paz si e no tabata intimidá pa un guy mas grandi cune. Cos a yega asina lew na Aruba cu homber no por resolve nan problemanan cu palabra y logica. Porta mi memorianan ta falso, pero ami ta corda cu hendenan tabata hopi menos agresivo den mi hubentud. Temponan aya un pelea tabata algo di core bay wak, paso e tabata algo cu tabata pasa de vez en cuando so. Awo tin na granel. Ami lo recomenda tur e guynan aki tira un par di puñete prome nan sali for di porta, asina porta nan ta menos tenso. Mi lo duda cu esaki lo soluciona algo si, paso mi sa bon bon cu si tin algo homber Arubiano ta haci bon ta tira puñete, y aparentemente mane nan ta mucho druk tirando sla, enves di tira palo, ta mokete y puñete so nan lo keda tira tambe mientras nan ta grita, “Ami ta representa!!”. Se, representando con pendew bo ta. Danki pa e anuncio.
E mentalidad aki a resulta den un reaction den e comunidad femenino. Muhernan Arubiano awo ta exclama:
“No tin homber na Aruba!”
Na un banda, esaki ta parce di ta berdad, pero otro banda muhernan Arubiano tambe tin di haya fo’i mi, cu lo ta mi siguiente tema pronto…..
